ابن ليل بقلم الكاتبة اميرة اسامة
المحتويات
بلبله بونچور يا دودو
دعاء صباحك فل
نبيله ما تقولي يا اختي صباح الخير لازم عوجت اللسان
دانه بضحك علي طول معترضه كده يا بلبله
ديما انا هلحق نفسي صباح الخير يا جماعه
ضحكت دره علي ديما
نبيله اهو كده النبي عربي يابت
دعاء صباحكم ورد وفل
نبيله امال فين اختكم
دانه ااااا قاطعتها دره بسرعه
دره معندهاش محاضرات مهمه انهارده فا هتقعد تذاكر وتريح في البيت
دانه اه حسن مش رايح هو كمان بس سماح هتيجي وممكن محمد واحمد
نبيله طيب
دره يلا بقي بلاش رغي هنتأخروا وبعدين كملت كلامها و بصت لنبيله ودعاء وانتوا ارحموا روحكم شويه من تحضير العزومه ووقفت المطبخ ماله الجاهز غاويين تعب
نبيله بصوت عالي نسبيا ما طبعا يا ست الدكتوره ان مكنتيش تقفي تدينا اوامر هتدي لمين مالها واقفه المطبخ يا واطيه
دعاء انا بقول اجري بسرعه
نبيله وقفه المطبخ دي يابت لو عيشتي عمرك كله مش هتعرفي توصلي لنص اللي بنعملوا
دره ولا حتي ربعه استهدي بالله بس
نبيله احيه البت جايه تقولنا احنا ماله الجاهز وكفياكم شغل مطبخ بتشوفي روحك علينا يابت
دره والمصحف ما حصل احيييه
نبيله يابت انتي دكتوره عبي ما تفرج
ديما لا بليز خلينا شويه نكمل الربع
نبيله نعم يا اختي انتي كمان بتكملي برنامج علي التلفزيون ما طبعا بنت مين يعني ما انتي بنت اوكس واحده في الدنيا
دره باي يا دعاء كده بدأت تدخل في الاعراض وانا مش هنسكتلها
دعاء هموووت
نبيله وتسكتيلي ليه ان شاء الله تعالي يابت وريني روحك قال ايه ماله الجاهز وتموتوا في وقفه المطبخ احيه عليااااا امال يابت تبقي مره علي حق ازاي وانتي مبتعرفيش تعملي غير بيض مسلوق
نبيله اتنيلي يا موكوسه دي ضاحكه عليكم بالاكلتين اللي حفظتهم بالعافيه وبعدين مين اللي بيشهد لمين يابت ده انتي نسختها اخر مره واقفه تهندسي علينا حطوا ده واعملوا ده وواقفه تاكل بالظبط زي امك
دره بضحك خلاص يا بنات سمعتوا واتبسطتوا ايه رأيكم في الربع بتاع بلبله
نبيله حطت أيدها تحت دقنها وعوجت بوقها هو انا كده قولت ربع انا بس كنت بنفهمك غلطك
دعاء بضحك يا بت روحي علي شغلك وبلاش لماضه مش هتسكتلك دي انا عرفاها كويس
دره بضحك قربا من نبيله وباستها من خدها جامد
نبيله بأبتسامه يابت فعصتي خدي اوعي
دره باي يا دودو باي يا احلي بلبله
نبيله بحب بالسلامه خدي بالك من روحك وانتوا يابنات خدوا بالكم من بعض
دخلت وقفلت وبعدين بصت لدعاء
نبيله احيه ماهي اللي جرت شكلنا انا مالي
دعاء بأبتسامه طب يلا شوفي في حاجه تاني ولا ننزلوا
نبيله لو افتكرت حاجه تاني هنكلموكي بس اعمليلي فنجان قهوه قبل ما تنزلي
دعاء عيني
نزلت دره والبنات بصت علي المحل عشان تلمح كرم مكانش واقف حاولت تدور عليه بعينها من تحت النضاره لكن ملاقتهوش
زكريا صباح الفل يا بنات
دره صباح الفل يا حبيبي بنقولك ايه هنزعلك بلبله
زكريا عملتلك ايه
دره لسه مسمعاني ربع عالسلم يرضيك كده
زكريا وايه الجديد دي علي طول مسمعه الخلق كلها ارباع
دره بضحك احيه وانا اللي فكراك هتنصفني وتجيبلي حقي
زكريا طب خليها من حد تاني لكن دي بلبله بردوا يابت
ضحكت دره و غمزتله ايوه بقي ماشي يا سيدي سماح المرادي بس
انا هنمشي بقي عشان متتأخروش
زكريا في حفظ الله سلام يا بنتي سلام يا بنات
ديما باي يا جدو
دانه باي يا جدو
خرجت دره من الشارع واتصلت علي كرم كان موبايله مقفول حست بقلق بسيط
الصبح مصحهاش ولا بعتلها رساله هي اللي بعتتله بس مردش كمان مش موجود و قافل موبايله هيكون راح فين بعتتله رساله تاني
دره كرم انت فين الصبح بعتلك رساله لما صحيت وانت مردتش والوقت موبايلك مقفول وكمان مش واقف تحت انت فين طمني عليك
قفلت دره الموبايل وهي دماغها شغاله وعماله تفكر ممكن يكون راح فين وهي في طريقها للمستشفي عدت علي المارينا اللي عليها ابن ليل
ركنت ونزلت تشوف اللانش من بعيد
كان موجود مكانه و كرم مش عليه
أطمنت شويه لما شافت اللانش مكانه عشان البحر كان عالي راحت ركبت عربيتها وطلعت علي المستشفي
اتصل هيما علي دارين حاول يكلمها عادي و يطمن عليها عشان منزلتش مع اخواتها اتصل مرتين لحد ما الموبايل كان بيفصل وهي مش بترد
هيما بأبتسامه مبترديش عليا
يا دارين ماشي ملحوقه
اتصل علي دانه
دانه هاي هيما
هيما هاي
دانه بضحك ومالك مش طايق نفسك كده ليه
هيما ما كله بسببك
دانه الله وانا مالي طيب
هيما اختك فين
دانه في البيت
هيما منزلتش معاكم ليه
دانه بضحك بتهرب منك اكيد
هيما ضحك ڠصب عنه ومالك فرحانه كده ليه وفخوره بإنجزاتك
دانه انا قولتلك ان مليش دعوه هي اللي سمعتني انا وديما بس عموما سيب الموضوع عليا انا هحله
هيما لا شكرا لخدماتك انا هنتصرفوا
دانه بضحك تصدق انا غلطانه المفروض معملش معاك خير ابدا واصلح الموقف وانا غلطانه كمان ان قولت لمامي عشان تكلم دارين
هيما پصدمه احيييييه خدي هنا قولتي لمين
دانه فضلت تضحك مامي
هيما مامي في مسجد عالناصيه فيه ميكروفون منزلتيش مسكتيه ليه وسمعتي الخلق
دانه متفهمنيش غلط
هيما والله ولا حتي صح اقفلي اقفلي يا دانه انا غلطت من الاول لما قولتلك ما كنت قولت لديما طيبه وبنت حلال ولسانها قافله عليه
دانه يا هيما اسمعني والله مامي اللي سألت دارين مالها واحنا قولنالها وكمان هي مبسوطه من موقفك جدا وقالت هتكلم دارين عشان مينفعش تهرب منك خصوصا انك المفروض كأنك مش عارف
هيما بضحك تصدقي بالله انا اللي مش عايز نبص في عينها وبنفكروا منجيش بكره العزومه دي اقول عليكي ايه بس
دانه خلاص بقي قلبك ابيض
هيما ماشي يا ستي اما نشوفوا اخرتها
دانه محمد احمد فين
هيما لسه طالعين وراكم من شويه
دانه بنكلمهم موبايلاتهم مقفوله
هيما احمد نسي يشحن موبايله ومحمد يمكن شبكه بس اكيد هيكلموكم
دانه اوك يا هيما عايز حاجه
هيما بضحك شكرا يا طيبه
دانه ضحكت باي
هيما باي
قفل هيما معاها واتصل تاني بدارين بردوا مردتش فا قرر يبعتلها رساله
هيما ممكن تردي عليا
شافت دارين الرساله من بره وسابت الموبايل
دارين بصوت مسموع هرد عليك اقولك ايه انت كمان ده انا مش بس مش هرد عليك ده انا مش هوريك وشي تاني
ابدا
سمعت صوت رساله تانيه
هيما طب ايه افهم من كده انك مش عايزه تكلميني ولا خاېفه تردي عليا عشان مطلبش باقي طلبات العيد ميلاد
حاول هيما علي قد ما يقدر يحسسها انه بيهزر وزيبعدها خالص عن التفكير في الموقف لكن دارين مكانتش قادره لان هي عارفه ان هو اللي شاف دانه واللي بيعمله ده مش اكتر من انه يحسسها ان مفيش حاجه حصلت
تصرف هيما كان بيزود إعجاب دارين بيه و بيكبره في نظرها لكن هي ڠصب عنها الموقف محرج جدا يمكن لو كانت علاقتها بيه قويه او بقالهم كتير مع بعض كانت ممكن تعدي اه الموقف هيبقي محرج بردوا لكن ارتباطهم القوي ببعض كان هيخليها تتخطي الموقف بسرعه لكن هما علاقتهم لسه مبدأتش هو اعترف بحبه من قريب وهي يادوب اول يوم امبارح تفك معاه شويه فا الموقف محرج جدا
فضلت دارين حاطه صباعها في بوئها مربعه رجلها علي السرير وعينها علي الموبايل وكل رساله تجيلها تبص فيها من بره عشان ميعرفش انها فتحتها
وطبعا حركتها دي توقعها هيما ببساطه و بعتلها رساله بصوته
هيما واضح انك بتشوفي رسالتي من بره فا انا قررت ابعتلك ڤويس لانه مش هيتفتح إلا لو ډخلتي وبما ان فضولك هيقولك عشان تعرفي انا مسجل ايه
فا انا معنديش اي حاجه اقولها غير انك وحشتيني وهتنفذي باقي طلباتي ڠصب عنك يا دارين
طبعا شافت دارين من بره انه ڤويس وفعلا كانت ھتتجن وتسمع فضلت تفكر تدخل تسمع ولا تستني شويه
الموقف اللي حصل بينهم كان محرج ويمكن مكانش وقته خالص بس اللي يلغبط في الموضوع ان دارين عرفت انه شافها وهو اللي قال لدانه وعامل نفسه ميعرفش وهيما عرف من دانه انها سمعتهم وعرفت ان هو اللي شافها وهي هتحاول تعمل نفسها عبيطه
بس لا هي قادره تعمل نفسها عبيطه ولا هو قادر علي هروبها منه مش عارف يروح في وشها يقولها انسي اللي حصل وموقف وعدي وكويس ان انا اللي شوفت ولا يسكت
استنت دارين شويه وبعدين فتحت الموبايل سمعت الڤويس بسرعه وخرجت وبعدين ابتسمت مش عارفه تعمل ايه بس الاكيد انها مش هتقدر تواجهوا
وصلت دانه وديما علي الجامعه دخلوا جوه لمحوا سماح مستنياهم سلموا علي بعض و عشر دقايق ومشيت سماح راحت محاضرتها وهما استنوا معاد محاضرتهم كان فاضل عليها حوالي نص ساعه راحوا علي الكاڤيتريا يستنوا محمد واحمد وهي ماشيه أتلألمت بصوت مسموع نسبيا ومسكت في ايد ديما
دانه اااااه
ديما في ايه
دانه ديما الحقيني مش قادره
ديما پخوف مالك حصل ايه
دانه مش عارفه
رجلي فيها ألم فظيع من وراء
ديما من فين طيب
شاورتلها دانه علي مكان الۏجع وهي مش قادره تتحرك خطوه ومثبته رجلها في الارض
ديما دي عضله تقريبا
دانه مش عارفه بس بتوجعني اوي
قرب منهم محمد واحمد في الوقت ده
محمد صباح الخير
احمد صبااااحو
ديما صباح الخير بقولكم ايه دانه رجلها ۏجعاها اوي
محمد ايه ده في ايه مالك اتخبطتي ولا ايه
احمد طب تعالي اقعدي
دانه لا مش عارفه اتحرك خالص
محمد طيب من ايه وقعت ولا اتخبطت يا ديما
ديما لا دي مره واحده كده وتقريبا شد عضل
احمد طيب امسكي وش رجلها بالعكس هتفك بسرعه
ديما يعني ايه
احمد اقلعي بس الكوتشي
دانه ااااااه لا مش هعرف
محمد طيب ماهو لازم تفكي العضله دي انا مش عايز بس اعملهالك عشان الخلق اللي واقفه دي
ديما طيب قولي اعمل ايه وانا هعمله
محمد قلعيها الكوتشي وامسكي صوابعها اضغطي عليهم لفوق علي قد ما تقدري
ديما تمام
سابتها ديما وبسرعه مسكتها دانه
دانه لا لا متسبنيش بتحرك والحركه بتوجعني اكتر
بص محمد حواليه كان الشباب حواليهم بعيده شويه
محمد طيب اوعي اسنديها انتي يا ديما نزل محمد علي ركبته سحب منها الكوتشي بسرعه ومسك صوابعها ضغط عليهم بقوه لفوق
دانه ااااه لا لا بتوجع اكتر
احمد معلش هتفك الوقت
دانه محمد سيب عشان خاطري ااااه
محمد لحظظظظظه استحملي
حست دانه ان روحها اتسحبت منها وشويه شويه الوجه بدأ يروح
رفع محمد وشه ليها
محمد ايه فكت شويه
هزت دانه راسها
ساب محمد رجلها و قري منها الكوتشي
دانه لا لا سيبه يا محمد انا هلبسه بس اخد نفسي
محمد هتوطي قدام الخلق دي كلها
دانه وايه المشكله انا هلبس الكوتشي
محمد حطي رجلك يا دانه اخلصي
دانه بإحراج
متابعة القراءة
